Nú eru rétt rúmar tvær vikur í jólafrí nemenda Grunnskóla Önundafjarðar. Við munum að mestu halda úti hefðbundinni stundaskrá en með uppbroti tíma og tíma. Í þessari viku verður ýmislegt á döfinni. 

Í dag mánudaginn 5. desember kemur hún Rakel spjaldtölvusnillingur og vinnur með kennurum í leik- og grunnskólanum, sem og nemendum í 5.-9. bekk. Við ætlum að einblína á íslenskuna og hvað tæknin getur boðið okkur upp á í fjölbreyttu íslenskunámi. 

Þriðjudaginn 6. desember - á morgun - þá ætla allir nemendur grunnskólans og eldri nemendur leikskólans að koma saman í Félagsbæ og baka piparkökur. Piparkökurnar verða síðan í boði í afmæli Grænagarðs á föstudaginn.

Miðvikudaginn 7. desember er 1.-4. bekk og fimm ára nemendum Grænagarðs boðið á danssýningu í Edinborgarhúsinu á Ísafirði.

Á fimmtudaginn verður nokk hefðbundinn dagur sem og á föstudaginn.

Vikan fyrir jólafrí mun verða bland af hefðbundinni og óhefðbundinni kennslu. Við ætlum að fara í kirkju, föndra og skrifa á jólakortin og gera það sem þarf að gera fyrir jólin. 

Jólafríið hefst eftir hádegismat þriðjudagin 20. desember.

Njótið nú aðventunnar kæru vinir. 

Fimmtudaginn 1. desember verður opið hús í Grunnskóla Önundarfjarðar. Foreldrar eru velkomnir í skólann á skólatíma og sjá hvað við erum að fást við.

Dagskráin er hér. 

Yngri deild

8:00-8:40 Íslenska

8:40-9:20 Íþróttir í Íþróttahúsinu

9:40-11:00 Náttúrufræði – úti ef veður leyfir

11:10-11:50 – Grænigarður, söngstund með leikskólabörnunum

11:50-12:20   Matartími í Félagsbæ

12:20-13:00 Valtími

Eldri deild

8:00-8:40 Íslenska

8:40-9:20 Íslenska

9:40-11:00 Íþróttir í íþróttahúsinu

11:10-11:50 – Grænigarður, söngstund með leikskólabörnunum

11:50-12:20   Matartími í Félagsbæ

12:20-13:00 Stærðfræði

13:00-14:30 Heimilisfræði

Athugið að klukkan 11 munu nemendur fara yfir á Grænagarð og syngja með leikskólabörnunum á Degi íslenskrar tónlistar. Foreldrar eru velkomnir þangað líka en þennan dag á Grænigarður 20 ára afmæli. 

Við hlökkum til að sjá ykkur sem flest.

Nemendur og kennarar

María og Zuanna

Í gær var viðtal við þær Maríu, Zuzönnu, Sylvíu og Karen í Stundinni okkar. Jafnframt mátti sjá glytta í marga aðra krakka frá Flateyri, bæði þau sem hér hafa fasta búsetu sem og gesti. 

Þátturinn var frábær og viðmælendurnir stóðu sig með mikilli prýði. Hér má sjá þáttinn.

Menntamálastofnun hefur gefið út lesviðmið fyrir 1.-10. bekk grunnskóla. 

Markmið með setningu lesfimiviðmiðanna er að stuðla að bættu læsi barna og unglinga. 

Lestrarviðmiðin eru gott tæki fyrir foreldra, nemendur og kennara til að fylgjast með framförum í lestri, styðja við læsi og auka þanig líkurnar á því að sem flestir geti aflað sér menntunar í samræmi við þær kröfur sem gerðar eru í nútímasamfélagi. 

Ég hvet ykkur til þess að kynna ykkur markmiðin. 

Foreldraviðtöl fara fram dagana 7.-9. nóvember nk. og fá foreldrar sendan tölvupóst um hvenær þeir eiga að mæta ásamt börnum sínum. 

Þann 10. nóvember er starfsdagur í skólanum hefst þá eiginlegt vetrarfrí nemenda Grunnskóla Önundarfjarðar sem stendur yfir til 14. nóvember. Dægradvöl fer líka í frí á þessum tíma.

Við viljum minna á starfsdaginn okkar næstkomandi föstudag. Dægradvöl verður líka lokuð vegna starfsdags í leikskólanum. 

Í upphafi skólaárs ákváðum við, sem einskonar tilraun, að borða í Félagsbæ í hádeginu. Nemendur hafa hjólað eða gengið í Félagsbæ án teljandi vandræða þó svo að stundum hafi þau þurft að aðlaga ferðir sínar hvar er verið að grafa þann daginn.

Hefur þessi tilraun okkar mælst vel fyrir meðal nemenda. Allir nemendur skammta sér sjálfir á diskana og eru orðnir vel þjálfaðir í því að setja það á diskinn sem þeir ætla sér að borða. Matarsóun er því minni en þegar skammtað hefur verið á diskana fyrir börnin. Ekki spillir að nemendur sitja saman í notalegu umhverfi og hitta Gunnu matráð daglega og geta persónulega þakkað henni fyrir matinn. 

Í þessi fellst líka heilmikil lífsleikni, nemendur spjalla saman og læra góða borðsiði. 

Við ætlum að halda áfram með tilraunina okkar í október en síðan verðum við að sjá til þegar veturinn er í alvöru farinn að banka uppá hjá okkur hvort við getum haldið þessu fyrirkomulagi áfram.

Eftir hádegi streyma inn í skólann okkar hressir og kátir krakkar, búnir að borða vel,  fá ágætis hreyfingu og súrefni í lungun (og heilann). 

Nú er farið að kólna úti og biðjum foreldra að passa upp á nemendur komi vel búnir í skólann með vettlinga og húfur. 

Jafnframt færst íþróttir nú inn í íþróttahús og því þurfa nemendur að koma með stuttbuxur, bol og handklæði til íþróttaiðkunnar frá og með mánudeginum. 

Hann Andri  er eina barnið í 4. bekk. Hann fékk því að taka samræmda prófið inni á skrifstofu skólastjóra í morgun. 

Nú eru prófunum lokið að sinni og næstu samræmdu próf ekki fyrr en í mars hjá 9. bekk.

Þá eru samræmdu prófunum lokið hjá 7. bekk þetta árið