VALMYND ×

Fréttir

Dagur íslenskrar tungu fagnað á Flateyri

Jónas Hallgrímsson hefði orðið 210 ára í gær.
Jónas Hallgrímsson hefði orðið 210 ára í gær.

Degi íslenskrar tungu var fagnað með kaffihúsakvöldi í skólanum okkar í gærkvöldi. 

Þær Signý Lilja, Zuzanna og María spiluðu sexhent á píanó lag um hest. Birna Mjöll, Sylvía Lind og Matthildur Gróa sungu Móðir mín í kvíkví. 

Því næst voru veittar viðurkenningar fyrir lestrarbingó og heimalestur en Svandís Rós og Matthildur fengu verðlaun fyrir lestrarbingó og Helga Lára og Zuzanna fengu verðlaun fyrir að sleppa aldrei degi úr í lestri. 

Allir nemendur skólans léku og lásu ljóð Þórains Eldjárns Karnival dýranna og því næst kynntu eldri nemendur þemaverkefni sín í samfélagsfræði og verkefni sitt um Flóttafólk. 

Að lokum sungu og léku nemendur skólans á hljóðfæri lagið Marsbúa cha cha cha. 

Eftir dagskrána seldi nemendafélagið kaffiveitingar og fer allur ágóði í vorferðasjóð nemenda. 

Við erum enn að bíða eftir myndum frá kvöldinu en myndbandið um Flóttafólk er að finna hér

Kaffihúsakvöld á degi Íslenskrar tungu

Nemendur GÖ halda kaffihúsakvöld fimmtudaginn 16. nóvember nk. klukkan 19:00. Ætla krakkarnir að kynna tvö þemaverkefni sem þau hafa verið að vinna að í vetur sem og lesa upp ljóðið Karnival dýranna eftir Þórarinn Eldjárn. Kaffihúsið verður opið og geta gestir keypt sér veitingar. Allur ágóði fer í ferðasjóð nemenda skólans.

Við hvetjum alla til að koma og eiga með okkur notalega kvöldstund saman.

Námskeið fyrir foreldra

„Hvað get ég gert“

 

Þann 29. nóvember n.k verður haldið „hvað get ég gert“ námskeið  fyrir foreldra. Árný Ingvarsdóttir sálfræðingur og þýðandi bókanna sem hefjast á ,,Hvað get ég gert“ og eru ætlaðar nemendum frá 6-11 ára til að fást við ýmis vandamál.  Bækurnar eru ætlaðar til að vinna með fullorðnum og við bjóðum foreldrum upp á námskeið til að geta unnið með þessar bækur með börnum sínum.

Klukkan 17:30 verður fjallað um hvernig er árangursríkast að vinna með bókina ,,Hvað get ég gert við of miklar áhyggjur“ sem er ætluð börnum sem glíma við kvíða.

 

Klukkan 20:00 verður fjallað um hvernig best er nota bókina ,,Hvað get ég gert þegar reiði tekur völdin“. 

 

Námskeiðin eru ætluð foreldrum sem vilja vinna með þessi atriði með börnum sínum og eru foreldrum að kostnaðarlausu.

Námskeiðin verða haldin í Grunnskólanum á Ísafirði.

Gísli Súrsson

1 af 3

Gísli Súrsson kom, sá og sigraði í GÖ sl. föstudag. Allir nemendur skólans horfðu á þetta frábæra leikrit Elfars Loga Hannessonar leikara. 

Við þökkum kærlega fyrir frábæra sýningu. 

Stóra íþróttahátíðin Bolungarvík

Stóra íþróttahátíðin fer fram á morgun í Bolungarvík. Nemendur okkar í eldri hóp hitta þar fyrir samaldra sína frá Drangsnesi, Suðureyri, Ísafirði, Reykhólum, Súðavík, Þingeyri og auðvitað Bolungarvík. Allir fengu að velja þær íþróttagreinar sem þeir vildu taka þátt í og síðan var valið af handarhófi í hópa og nemendur því í blönduðum hópum. Okkar nemendur skráðu sig í allskonar viðburði. M.a. fótbolta, körfubolta og skotbolta. Hátíðin verður sett kl 10:00 á morgun og stendur yfir til 18:40 annað kvöld. Katrín keyrir krakkana yfir og Unnur Björk verður með þeim í Bolungarvík frameftir degi. Þá taka hinar ofurvösku mæður Svana og Gunna við. 

Eftir hátíðina geta krakkarnir farið í sund og gert sig til fyrir ballið sem stendur til kl. 22.00. Aðgangseyrir á ballið eru 1500 kr og þurfa nemendur lika að koma nestaðir og/eða með pening fyrir mat. 

 

Image result for íþróttahátíð

Furðuleikar á Flateyri

Föstudaginn 6. október munu nemendur í 1.-7. bekk grunnskólanna á Suðureyri, Þingeyri og í Súðavík koma í heimsókn til okkar og taka þátt í "Flateyrarþrautinni". Nemendum verður blandað saman í hópa þar sem þau að leysa hinar ýmsu þrautir sem fara fram víðsvegar um þorpið í anda þáttanna Amazing race. 

Á eftir verður nemendum boðið í mat og heimferð er um klukkan 12. 

Það verður líf og fjör í þorpinu okkar þennan dag. 

Norræna skólahlaupið

Verður haldið hátíðlegt í skólanum á morgun. Yngri deild hleypur 2,5 km og eldri deild 5 km. Mikilvægt er að nemendur komi klæddir eftir veðri og í góðum skóm (ekki gúmmískóm eða stígvélum). 

Áfram GÖ!!

Samræmd próf í 7. bekk

Standa yfir í dag og á morgun. 

Í dag tóku þær Svandís, Védís og Sylvía próf í íslensku og á morgun taka þær próf í stærðfræði.

Samræmdu prófin eru, eins og í fyrra, tekin á rafrænan máta. Í Grunnskóla Önundarfjarðar eru prófin tekin á Ipad.

 

Þema mánaðarins

Í fámennnum skólum eru möguleikarnir miklir og gaman að prófa sig áfram með nýjar aðferðir. Í vetur höfum við tekið upp þemavinnu sem er föst í stundatöflu allra nemenda á fimmtudögum á milli kl. 8:15 og 10:30.  Í þemavinnunni bindum við okkur ekki eins mikið í námsbókunum heldur eru nemendur að læra sjálfstæð vinnu brögð, að spyrja sig gagnrýninna spurninga og vinna með mismunandi heimildir. 

Fyrsta þemað á þessu skólaári er flóttafólk og eru krakkarnir eru mjög áhugasamir en þetta reynir líka á eins og með allt það sem er nýtt. Það verður spennandi að sjá afraksturinn í byrjun nóvember þegar þessu þema lýkur og nýtt tekur við.