Sólargangan

Skógarsvæðið okkar er algjör draumur. Takk Lýðskóli.

Magga Messi og Orri óstöðvandi

Draumar barna :)

« 1 af 7 »

Það hefur verið aðeins um uppbrot þessa vikuna eins og gengur og gerist í maí. Hin árlega sólarganga leikskólans Grænagarð og grunnskólans var farin núna 7. maí í ekta íslensku vorveðri. Það var frekar hvasst og rigndi aðeins á okkur en auðvitað lét sólin líka sjá sig. Að venju voru öll full jákvæðni og enduðum við gönguna á pylsupartýi í leikskólanum.

Á fimmtudaginn bauð Þjóleikhúsið miðstigi grunnskólanna á leiksýningu byggða á hinum geysivinsælu bókum um Orra óstöðvandi og vinkonu hans Möggu Messi eftir Bjarna Fritzson.

https://leikhusid.is/syningar/orri-ostodvandi/

Í dag fóru Sigga og Siggi með nemendurna í gönguferð inní skóg. Þau voru búin að nesta sig fyrir ferðina með skólabökuðum pizzasnúðum og swiss miss. Veðurspáin var nú ekkert frábært og snjóaði allsvakalega á okkur í morgun en bæði nemendur og kennarar komu mjög vel búin og jákvæð í skólann í morgun og tilbúin í þessa gönguferð. Þau komu öll kampakát en smá blaut til baka en það er rétt sem sagt er - Það er ekki til vont veður – bara óviðeigandi klæðnaður!

Síðasta þemaverkefni þessa skólaárs heitir Betri heimabyggð. Nemendur kynntu sér nærumhverfið sitt, tóku myndir og ræddu kosti og galla samfélagsins í kringum sig. Þau áttu síðan að láta sig dreyma um það hvernig mætti bæta þorpið þeirra, hvað fannst þeim vanta á Flateyri. Þau eru núna í óða önn að klára líkönin af því sem þeim fannst vanta og eiga svo að rökstyðja hugmyndina sína með texta. Verkefninu lýkur með skólaþingi þar sem nemendur bjóða bæjar- eða sveitastjórn að hlýða á hugmyndir sínar um að bæta samfélagið.

Njótið helgarinnar

« 1 af 6 »

Árshátíð skólans var núna 9. apríl og stóðu krakkarnir sig frábærlega vel. Þau voru búin að leggja á sig mikla vinnu og uppskáru heldur betur eins og þau sáðu, mikil ánægja og fengu þau mikið og verðskuldað hrós.

Nemendur á miðstigi sendu einnig inn hugmyndir sínar í Nýsköpunarkeppni grunnskólanna. Annarsvegar „Veiðihjólastand “ og hinsvegar „Kattaferðastand“. Hugmyndin verður þróuð áfram í samstarfi við FabLab og aldrei að vita nema að þið sjáið auglýstar vörur til sölu innan skamms.

Barnamenningarhátíðin Púkinn var þessa vikuna og sóttu nemendur GÖ viðburði tengda henni.

Leikkonan Birgitta Birgisdóttir bauð nemendum á miðstigi í öfluga og skapandi leiklistarsmiðju, þar sem unnið var eftir aðferðum Theatre of the Oppressed. Í smiðjunni fengu nemendur að kanna eigin rödd, tjá sig í gegnum leiklist og takast á við raunveruleg viðfangsefni á kraftmikinn og skapandi hátt.

Frach bræður komu í Flateyrarkirkju með tónleikadagskrána Árstíðir fyrir nemendur frá Flateyri og Þingeyri. Mögnuð upplifun fyrir krakkana sem spiluðu Vivaldi hérna í morgunsárið og rifjuðu upp góða takta hjá bræðrunum. Topp fyrirmyndir.

Í byrjun mars tóku unglingastigin úr grunnskólunum á Flateyri, Suðureyri og Þingeyri þátt í Krakkar Filma! námskeiði UngRIFF. Þau unnu fimm stuttmyndir byggðar á vestfirskum þjóðsögum undir handleiðslu leikstjórans Erlings Óttars Thoroddsen. Nemendur GÖ fengu að sjá afraksturinn í dag og vöktu þær mikla lukku og voru þau mjög áhugasöm.

Síðasti dagur fyrir páskafrí var óhefðbundinn – páskaföndur – 52 spil – borðspil – píla – fótbolti og síðast en ekki síst PÁSKAEGGJALEIT. Í dægradvöl hélt þessi notalega setmmning áfram með poppi og bíómynd.

Góða páska til ykkar allra

« 1 af 3 »

Í vikunni barst skólanum vegleg bókagjöf frá Sjón og Bókmenntahátíð Flateyrar 2025. 

Bókmenntahátíð Flateyrar varð til í hjarta Karíba, sjálfstæðs forlags með aðsetur á Flateyri. Hugmyndin að þessari hátíð er að færa rithöfunda og lesendur saman í afskekkta þorpinu Flateyri, sem er staðsett í hinum stórbrotna Önundarfirði. Hátíðin var í fjóra daga þar sem bókmenntum og fjölbreytileika var fagnað með fjölbreyttri dagskrá fyrir börn og fullorðna. 

Við í skólanum erum auðvitað afar þakklát fyrir þessa góðu gjöf enda mikilvægt að vera með fjölbreytt bókaúrval í skólanum.

Auk þeirra gaf Sindri Sparkle okkur bókina sína "Room for Everyone" Saga hinsegin fánans.

Við þökkum Sjón, Bókmenntahátíð Flateyrar (Helen Hafgnýr Cova) og Sindra kærlega fyrir

Það er mikilvæg regla að takast í hendur bæði fyrir og eftir að einvíginu líkur

Myndlistasýning í félagsheimilinu

Helen Hafgnýr Cova

Bergrún Íris

Elísabet

Sindri Sparkle

Tess gleðigjafi

« 1 af 8 »

Þessa stundina er undirbúningur fyrir árshátíðina í fullum gangi. Verið er að gera leikmuni út um allan skóla og er mikil tilhlökkun hjá nemendunum. Árshátíðin verður 9. apríl næstkomandi og munum við senda út auglýsingu innan skamms.

Landsmótið í skólaskák fer fram á Ísafirði 3.-4. maí nk. Kjördæmamótin fara nú fram hvert eftir öðru. Vikuna 17. – 21. mars fór fram, í Grunnskóla Önundarfjarðar og Grunnskólanum á Ísafirði, velheppnað Vestfjarðarmót í skólaskák og vorum við í GÖ með 8 keppendur af 19 á þessu móti. Þrátt fyrir að hafa ekki náð sigri á mótinu, að þessu sinni, stóðu nemendurnir sig mjög vel og koma reynslunni ríkari af þessu móti og hlökkum við mikið til næsta skákmóts.

Vel heppnuðu Vestfjardarmóti í skólaskák lokið

Eins og Flateyringar og nágrannar hafa margir tekið eftir þá hafa átt sér stað upptökur á sjónvarpsþáttaséríu eftir bókinni Hildur eftir Satu Rämü. Nemendur og starfsfólk GÖ var svo heppið að fá tækifæri til að vera aukaleikarar í einni senu og verður spennandi að horfa á okkur sjálf sig í sjónvarpinu von bráðar.

Í síðustu viku var Bókmenntahátíðin á Flateyri og fékk grunnskólinn að taka þátt í henni. Nemendurnir voru mjög áhugasöm og spurðu margra skemmtilegra spurninga. Á fimmtudeginum komu Helen Cova, Tess Rivarola og Sindri Sparkle til okkar. Helen ræddi við þau hvernig við getum séð sjálfan rithöfundinn í verkum sínum, Sindri Sparkle ræddi um fjölbreytileikann og bókina Kvár eftir Elías Rúni og Tess kom með bókaverkið sitt ”Mismunandi líf. 7 gautur”, en það er lifandi bók sem hægt er að leika sér með.

Á föstudeginum komu grunnskólarnir á Suðureyri og Þingeyri í heimsókn og fengum við að heyra í tveim rithöfundum, þeim Elísabetu Thoroddsen og Bergrúni Írisi.  Elísabet las upp úr bók sinni Rugluskógur en hún kemur út í maí. Við vorum fyrst til að heyra lesið upp úr þessari bók sem var mjög skemmtileg. Bergrún Íris sagði okkur frá sjálfri sér og hvað hún gerir. Las síðan upp úr bók sinni Kennarinn sem hvarf. Nemendur fengu að spyrja þær spurninga. Báðar voru þær með hugmyndir af nýjum bókum sem þær eru að fara að skrifa. 

Rithöfundarnir fengu frábærar móttökur og við megum vera stolt af öllu okkar unga fólki! Helen Hafgnýr Cova fær sérstakar þakkir fyrir að skipuleggja þessa glæsilegu hátíð og leyfa okkur að taka þátt. Helen er einmitt starfsmaður hjá okkur í dægradvöl og vinnur frábært starf þar.

Sumar plönturnar uxu það hratt að núna eru þær komnar í eigin potta. Aðrar fá að vera aðeins lengur í þessu fína gróðurhúsi sem nemendur bjuggu til.

Alltaf að byrja og enda skák á handabandi og þakka fyrir leikinn

Grísirnir þrír - brúðuleikhús

Geiturnar þrjár - brúðuleikhús

« 1 af 14 »

Skólastarfið gengur vel og er gaman að heyra og sjá hvað nemendurnir eru ánægðir með veðurfarið þrátt fyrir að finnast snjórinn og frostið líka vera æði :) 

Við erum byrjuð að forrækta grænmeti og sumarblóm og von bráðar verða allir gluggar fullir af litlum plöntum sem vaxa allt of hratt :) Vonandi verður veðrið eftir páska eins gott og núna en þá stefnum við á að færa plönturnar út í gróðurkassana.

Íþróttirnar hafa, einhverju leyti, færst út og fá nemendur nú kennslu í frisbígolfi. Við eigum þennan flotta frisbígolfvöll og sýna nemendur mjög góða takta.

Þegar veðrið skartar sínu fegursta stækkar skólastofan. Nemendur á yngsta stigi fóru í fjöruna og tóku stafamottuna með sér. K-fyrir kött en það er spurning hvort að köturinn hafi skilið verkefnið og setið kjurr á sínum staf.

Vestfjarðarmótið í skák er á morgun og sendum við í GÖ auðvitað alla þá nemendur, sem vilja, af stað í þá keppni. Þau hafa verið að æfa sig á skákreglunum og að tefla með klukku. Ég sit með hjartað í buxunum af spenningi þegar þau hafa verið að taka æfingaskákir svo mikil er einbeitingin, hraðinn og spennan.

Mið- og unglingastig er þessa dagana að vinna að nýsköpunar- og hönnunarverkefni í samvinnu við Fab Lab. Miðstigið stefnir á að senda sínar hugmyndir og afurðir í Nýsköpunarkeppni grunnskólanna. Þetta er afar spennandi verkefni og aldrei að vita nema það verði til vara eða hönnun sem hægt verður að sýna á árshátíðinni sem verður 9. apríl.

Undirbúningur fyrir árshátíðina er hafinn og þemað í ár verður brúðuleikhús. Eins og fyrri ár er árshátíðin algjörlega skipulögð af nemendunum með stuðningi frá kennurum. Að þessu sinni fengum við liðsauka úr nærsamfélaginu okkar en hann Juraj Hubinak kom til okkar með innblástur og fræðslu um brúðuleikhús, auk þess sem hann sýndi okkur mismunandi tegundir brúða. Juraj er HÁmenntaður á þessu sviði og erum við mjög heppin að fá hann til liðs við okkur. Krakkarnir eru afar spenntir og hlakkar mikið til árshátíðarinnar.

Í síðustu viku tóku unglingastigin úr grunnskólunum á Flateyri, Suðureyri og Þingeyri þátt í Krakkar Filma! Námskeiði á vegum UngRIFF. Þau unnu fimm stuttmyndir byggðar á vestfirskum þjóðsögum undir handleiðslu leikstjórans Erlings Óttars Thoroddsen. Afraksturinn verður sýndur á Barnamenningarhátíð Vestfjarða sem fer fram dagana 31. mars - 11. apríl. Námskeiðið tókst mjög vel og fengu krakkarnir mikið hrós frá leikstjóranum. Hér fyrir neðan er hlekkur á dagskrá Púkans þar sem hægt er að sjá nánari upplýsingar:

https://www.vestfirdir.is/is/verkefni/menning/pukinn/pukinn-vidburdir  

Bókmenntahátíð Flateyrar, sem Helen skipuleggur, verður haldin helgina 27. - 30. mars. Við grunnskólanum tökum þátt í þeirri hátíð og hvetjum við ykkur til þess að skoða dagskrána og taka þátt í þeim viðburðum sem eru í boði.

https://www.karibautgafa.com/hatid 

« 1 af 2 »

Grunnskóli Önundarfjarðar fékk að gjöf hjartastuðtæki frá Oddfellowstúkunum á Ísafirði. Tækið hangir niðri í anddyri skólans og hvet ég alla, sem eiga leið um, að kynna sér staðsetninguna :)  Við þökkum kærlega fyrir þessa góðu gjöf. 

Sköpunarkrafturinn fékk að njóta sýn á bingóspjöldunum.

Klár í Harry Potter

Morguninn byrjaði auðvitað á lestri - Krakkakviss - bangsarnir fengu að vera með

Heimalestrarormurinn lengist og lengist og hlakka ég til að sjá hann laumast upp stigann

62 bækur og 3968 og trúlega einhverjir sem hafa gleymt að skrá.

« 1 af 5 »

Í dag lauk lestrarátaki skólans eftir frábærar vikur af lestri, gleði og metnaði! Nemendur hafa sýnt mikinn áhuga, staðfestu og hafa náð heilmiklum framförum í bæði lestri og lesskilningi. Gaman að heyra þau hlæja að því sem þau lesa :) 

Við viljum þakka ykkur kærlega fyrir stuðninginn heima – samvinna heimilis og skóla skiptir sköpum fyrir lestrarnám barnanna. Hvetjum ykkur til að halda áfram að lesa með þeim heima. 

Þrátt fyrir að lestrarátakinu sé lokið ætla nemendur að halda áfram að safna í lestrarorminn góða, þar sem markmiðið er að hann nái alla leið upp í kennslustofuna á efri hæð!

Til að fagna öllum þessum lestrarmetnaði eru nemendur nú að njóta - kósýheit, bangsar, Harry Potter, popp og djús. 

Á sama tíma er spennandi nýtt verkefni að hefjast í skólanum undir yfirskriftinni Tækni, þar sem nemendur fá tækifæri til að vinna með sköpun, lausnaleit og tækni á fjölbreyttan hátt. Frétt um það í næstu viku.

Góða helgi 

Jóna Lára

Mæla - skera - velja efni - klippa - líma - pressa og bíða

Mæla - skera - velja efni - klippa - líma - pressa og bíða

Mæla - skera - velja efni - klippa - líma - pressa og bíða

Mæla - skera - velja efni - klippa - líma - pressa og bíða

Mæla - skera - velja efni - klippa - líma - pressa og bíða

Upphífingarstöngin klár - nú er bara að fara að æfa sig

Stýripinnastandurinn sem verður málaður svartur

Við njótum heldur betur góðs af áhugasviði nemenda og hlökkum til að smakka næstu uppskrift :)

Við njótum heldur betur góðs af áhugasviði nemenda og hlökkum til að smakka næstu uppskrift :)

Við njótum heldur betur góðs af áhugasviði nemenda og hlökkum til að smakka næstu uppskrift :)

Teikning og fyrirsæturnar ekki af verri endanum :)

Hjólaviðgerðir hafa líka verið partur af vali/áhugasviði á hasutin og vorin.

« 1 af 14 »

Skólinn styður nemendur í að taka virkan þátt í eigin námi með því að bjóða upp á valáfanga sem byggja á áhugasviði nemenda. 

Með því að leggja áherslu á val og áhugasvið í námi fá nemendur tækifæri til að styrkja sjálfsmynd sína og byggja upp trú á eigin getu. Þeir læra að taka ábyrgð á eigin námi, finna leiðir til að vinna með áskoranir og þróa færni sem nýtist þeim í framtíðinni.

Það er því ljóst að val skiptir máli – bæði fyrir námsgleði og betri árangur!

Síðustu vikur hafa nemendur á mið- og unglingastigi unnið út frá eigin áhugasviði og sýnt mikinn metnað við vinnu sína. 

Afraksturinn verður m.a. - uppskriftabók GÖ - upphífingaslá - stýripinnastandur - borðspil - starfsmannaplakat - prjónuð húfa

Í hringekjutímunum hafa nemendur verið að binda inn sína eigin bók - þetta er partur af samvinnuverkefni fámennu skólanna og Ágarðs. Verkefnið heitir Bókin mín og auk þess að binda inn sína eigin bók var m.a. unnið með sögu- og ljóðagerð (hægt að lesa í gluggum skólans). 

Metnaðarfullt og skapandi starf hérna í GÖ með leiðandi starfsfólki í fararbroddi

Allir geta fundið sinn eigin stað til að lesa á :)

Búningahengið er mjög vinsælt og er gaman að fylgjast með sköpunargleði og ímyndunarafli nemendanna.

Við söfnum safaríkum orðum en það geta m.a. verið orð sem eru - löng - sem við þekkjum ekki - eru fyndin

Algengustu orðin upp á vegg.

Það getur líka verið gaman og gagnlegt að taka upp sinn eigin lestur og hlusta á eftir :)

« 1 af 12 »

Ég hef sett mér það markmið að kynna betur það góða starf sem á sér stað í skólanum okkar. 

Jákvæð kynning á skólastarfi eflir stoltið, styrkir ímynd skólans og eykur þátttöku samfélagsins. Hún byggir upp sjálfstraust nemenda og kennara og hvetur til nýsköpunar og þróunar í starfi.

Kynning á skólastarfinu #1

Í Grunnskóla Önundarfjarðar leggjum við mikla áherslu á að skapa umhverfi sem hvetur til lesturs. Eitt af því sem hefur aukið lestrargleði hjá okkar nemendum er lestrarátakið okkar góða sem hefur gengið mjög vel og erum við afar stolt af því framtaki. Heimalestrarormurinn lengist stöðugt og nemendur almennt kappsamir við að klára bingóspjöldin sín innan vikunnar. Það er frábært að fylgjast með framförum hjá nemendunum og einnig hvað samstarfið við foreldra gengur vel þegar kemur að heimalestrinum.

Þegar þú kemur í heimsókn í Grunnskóla Önundarfjarðar sérðu m.a.:

Sýnilegar bækur – Bækur eru alls staðar í skólanum, ekki bara á bókasafninu! Nemendur hafa frjálsan aðgang að fjölbreyttu úrvali bóka í skólastofum, göngum og lestrarkrókum. Einu sinni í mánuði eru sóttar nýjar bækur á bókasafnið á Ísafirði til að hafa sem fjölbreyttast úrval bóka.

Notaleg lestrarrými – Við höfum útbúið þægileg rými með sófum, púðum og góðri lýsingu þar sem börnin geta lesið í ró og næði. Hús úr pappakössum og vasaljós eru líka vinsæl.

Lestur í öllum fögum – Lestur er ekki bara í íslenskutímunum! Við lesum í stærðfræði, náttúrufræði, ensku, dönsku  og um allan skólann.

Leikgleði - Við leggjum áherslu á skapandi leik sem stuðlar að félagsþroska, sjálfstrausti og vellíðan nemenda. Nemendur hafa m.a. greiðan aðgang að kubbum, búningum, perlum, búðardóti o.fl.

Þetta er ekki tæmandi listi en myndir segja meira en þúsund orð og svo eru þið velkomin í heimsókn :)

« 1 af 7 »

Í Grunnskóla Önundarfjarðar hefur nú hafist spennandi lestrarátak sem stendur yfir næstu fimm vikurnar. Markmið átaksins er að efla lestrarfærni og lestrargleði á sama tíma.

Hvernig virkar lestrarátakið?

Lestrardagbók: Kláraðar bækur eru skráðar í bókadagbók. Eins og staðan er í dag þá hafa nemendur lesið 32 bækur og 1690 blaðsíður (þær bækur sem búið er að skrá) og þeim fjölgar á meðan að ég skrifa þennan texta. Þetta er aðeins upphafið og búist er við að þessi tala hækki á ógnarhraða á næstu dögum.

Lestrarbingó: Allir nemendur hafa fengið bingóspjald. Fyrir eina fullkláraða línu fá nemendur óvæntan glaðning og fyrir fullt spjald fá þeir einn valtíma.

Heimalestrarmiðar: Nemendur skrá á lestrarmiða fyrir hvern dag sem þeir lesa heima. Lestrarmiðarnir eru hluti af skemmtilegu verkefni þar sem við erum að safna í heimalestrarorminn okkar í skólanum!

Þegar lestrarátakinu lýkur þann 14. febrúar verður uppskeruhátíð þar sem nemendur hafa valið að hátíðin verði tengd almennum kósýheitum – kvikmynd, yndislestur, góðgæti, spil, teppi, bangsar og koddar.

Þetta er sameiginlegt átak heimili og skóla og erum við afar ánægð með að þátttaka hafi verið frábær strax frá fyrsta degi. Hérna í skólanum sé ég áhuga, metnað og mikla kappsemi og gaman að sjá nemendur lesa í hverju hornu og ræða lestur sín á milli.

Við hlökkum til að fylgjast með framhaldinu!