Í Grunnskóla Önundarfjarðar er öllum tekið opnum örmum.

Orða tréð- hér er meðal annars hægt að greina orðflokka og vinna á fjölbreyttan hátt með orðaforða.

Mynd frá ferð mið og unglingstigs yfiri Breiðadalsheiði. Við gefumst ekki upp þó leiðin virðist lokuð.

Goðahóllinn búinn til í þemaverkefni yngsta stigs

Útiverkefni- myndlistasýning þeagar búið var að teikna myndir af Goðahólnum og því sem leynist inni í honum.

Hluti af Vestfjarðaverkafni í glugga

Fyrsti bekkur vinnur meðal annars með bókstafina

Veltibíllinn með nokkra nemendur innanborðs- beltin bjarga.

Áhugasamir nemendur skoða handrit frá Árnastofnun.

Gúrkurækt á yngsta stigi. Fræin voru sett niður í vor og nemandi kom með þessa plöntu að loknu sumarfrí.

Í Grunnskóla Önundarfjarðar er öllum tekið opnum örmum.

« 1 af 11 »

Heil og sæl

Hér koma fréttir af starfinu í Grunnskóla Önundarfjarðar þegar fyrsti mánuðurinn er að baki. Það er ýmislegt sem hefur áorkast og sjást þess glögg merki að hér er lifandi skólastarf í gangi. Verkefni nemenda skreyta ganga skólans og má þar fyrst nefna opinn faðm sem mætir gestum en það er mælingverkefni frá síðasta vori sem fengið hefur að hanga uppi. Þegar upp á efri hæðina er komið blasir við þetta flotta tré sem nemendur unglingastgs hafa málað á vegginn og er nú tilbúið til notkunar við ýmsa orðavinnu.  Ýmislegt er einnig unnið, ritað og lesið sem ekki sést uppi á veggjum. 

Á haustdögum fóru nemendur í gönguferðir, þau yngri út í skóg en eldrri nemendur gengu frá Botnsheiðar afleggjara niður að gangnamunna í Breiðadal. Veðrið lék ekki við okkur þennan daginn en við fórum nú samt sem áður og gekk allt vel. 

Á miðvikudaginn fengum við heimsókn frá Páli Halldóri sem ferðast um með veltibílinn. Allir nemendur og einhverjir starfsmenn prófuðu og fannst upplifunin merkileg og dálítið spennandi og fundu fyrir því hvernig beltin bjarga. Þennan sama dag fóru svo miðstigsnemendurnir á Suðureyri til að hitta fulltrúa frá Stofnun Árna Magnússonar sem færðu okkur verkefnið Handritin til barnanna. 

Núna þessa dagana er þemaverkefni í gangi hjá yngsta stiginu þar sem þau eru að læra ýmislegt um Önundarfjörð, verkefnið teygir sig einnig upp á mið og unglinastig en þau taka allan Vestfjarðakjálkann fyrir. Í tengslum við þetta verkefni er ýmis fríðleikur kominn upp á veggi. 

Myndir segja svo miklu meria en orðin svo ég læt hér fylgja myndasafn og einnig er hægt að skoða myndasöfn tengd ákveðnum dögum eða þemum hér á síðunni. 

Skólasetning Grunnskóla Önundarfjarðar haustið 2020 fer fram í sal skólans mánudaginn 24. ágúst kl. 10:00. Að lokinni örstuttri setningarathöfn fara nemendur og foreldrar á fund með umsjónarkennara. Einnig verður boðið upp á einstaklingsviðtöl fyrir þá sem þess óska. 

Við förum full tilhlökkunar inn í nýtt skólaár. 

Heil og sæl

Hér koma upplýsingar um starfsmannamál á komandi hausti. Á hverju vori eru auglýstar þær stöður sem leiðbeinendur hafa sinnt í stað kennara. Að þessu sinni bárust nokkuð margar umsóknir. Í Grunnskólanum munu Jóna Lára og Sigurður Hafberg kenna áfram en í kennarahópinn bætist Erla Sigrún Einarsdóttir. Þau eru öll með leyfisbréf. Í leikskólanum bætist Lisa Haye við hópinn í byrjun ágúst og verða Hanna Maggý, Joanna, Katarzyna, Sólveig María og Grazyna þar áfram starfandi. Júlía Ósk kemur svo aftur til starfa á leikskólanum í nóvember. Við horfum bjartsýn til haustsins og kveðjum þá starsmenn sem láta af störfum með þökkum um leið og við bjóðum nýja starfsmenn velkomna. 

Á morgun fimmtudaginn 4. júní verður Grunnskóla Önundarfjarðar slitið við hátíðlega athöfn í húsnæði skólans. Verk nemenda verða til sýnis í anddyri og stigagangi og unglingadeildin mun sýna lokaverkefni sín sem unnið hefur verið að undanfarnar tvær vikur. Einnig verður boðið upp á tónlistaratriði og verður gestum boðið kaffi og kaka að lokinni dagskrá. Við minnum á tveggja metra regluna sem gott er að hafa í huga og virða við þá sem það kjósa. 

Útieldun í upphafi skólaárs

Hér koma upplýsingar um síðustu skóladaga þessa skólaárs:

Yngri nemendurnir eru eins og áður hefur komið fram í útinámi þessar síðustu vikur skólaársins. Hafa þau margt aðhafst, verið að læra um fugla fjarðarins, mælt ýmsar vegalengdir, eldað og bakað við opinn eld, búið til flautur og vindhörpur, síað vatn svo það verði drykkjarhæft og svona mætti lengi telja. Næstu verkefni hjá þeim eru útilistaverk með stærðfræði ívafi og að setja niður í gróðurkassana. 

Unglingarnir eru að vinna að lokaverkefni sem tengist áhugasviði hvers og eins þeirra. Hafist var handa í upphafi síðustu viku og er áætlaður lokadagur fimmtudagur 28. maí. Verkefnin eru fjölbreytt og reyna á sjálfstæð vinnubrögð og aðra lykilhæfni. Ferlið gengur vel og er spennandi að fylgjast með. Einnig verður gaman að sjá þegar lokaafurðin lítur loks dagsins ljós eftir alla vinnuna. 

Á föstudaginn verður sameiginlegur dagur leik og grunnskóla þar sem farið verður í sólargöngu og síðan leikið á leikskólalóðinni uns deginum lýkur með grillveislu. 

Á þriðjudaginn í næstu viku verður svo farin vorferð eins og vant er. Að þessu sinni skiptist hópurinn í tvennt þar sem ákveðið var að unglingarnir fengju að gista eina nótt vegna þess að eiginlegt skólaferðalag þeirra frestast um eitt ár. Fara þeir í Heydal og dvelja þar í sumarbúsatð og njóta afþreyingar sem boðið er upp á þar. Ferð yngri nemendanna, skóalhóps, yngsta stigs og miðstigs, verður óvissuferð en upplýsingar um hvað þurfi meðferðist ,,í raun og veru" munu berast foreldrum tímanlega. 

Miðvikudagurinn 3.júní er svo starfsdagur í grunnskólanum og  fimmtudaginn 4. júní mæta nemendur og foreldrar til skólaslita sem verða við hátíðlega athöfn. Fjórir nemendur hafa lokið grunnskólagöngu sinni og verða útskrifaðir. Uppstilling mun gefa þeim sem það kjósa möguleika á að halda tveggja metra reglunni. 

Nú er það orðið ljóst að við fáum að fylgja þeim reglum sem gilda annarsstaðar á landinu hvað varðar samkomubann frá og með mánudeginum 11. maí. Hópar mega telja 50 manns, og tveggja metra reglan er ekki lengur í gildi hvað börn varðar. 

Skólahald færist þá í eðlilegt horf.

Grunnskólinn: Kennarar fara þá á milli hópa svo kennsla getur verið samkvæmt stundaskrá þar sem það á við en hefð er fyrir því að brjóta stundaskrána talsvert upp í maí. Nemendur taka sér göngu í hádeginu og borða í Gunnukaffi.  Kennarar sem koma utanað fá að koma til okkar aftur svo við getum haldið áfram með hönnun og smíði, dans og tónlist. Ninna námsráðgjafi og Helena skólahjúkrunarfræðingur munu láta sjá sig fljótlega. 

Leikskólinn: Kennarar mega aftur fara á milli hópa svo það hópastarfs skipulag sem hófst fyrr á árinu getur haldið áfram, eins og í grunnskólanum er starfið í leikskólanu brotið upp á vorin með aukinni útiveru, Nemedahópar mega blandast og foreldrar mega fylgja börnum sínum  inn í fataklefann. 

Þetta verður allt léttara með þessum tilslökunum en við megum samt ekki sofna á verðinum. Áfram er tveggja metra regla í gildi á milli fullorðinna. Við höldum áfram handþvotti og sprittnotkun. Þeir sem finna fyrir flensulíkum einkennum ættu að vera heima uns þeir hafa fengið úr því skorið hvort þeir ættu að fara í sýnatöku. 

Nemendur, foreldrar og starfsfólk hafa staðið sig eins og hetjur í að aðlagast þessum aðstæðum sem hafa verið uppi undanfarið og eiga allir hrós skilið. 

Bestu kveðjur

Sunna

« 1 af 15 »

Þessa vikuna hafa nemendur á yngsta- og miðstigi verið með útiskóla. 

Við höfum m.a.

- Notað sprek og greinar í stærðfræði - mælingar og form

- Farið út og unnið verkefni um fuglana, vorið og trén í nágrenninu

- tálgað í tré

- Náð í safa úr birkitré sem smakkaðist bara mjög vel

- dansað úti

- búið til bál og eldað snúbrauð/snobrød þrátt fyrir rok og rigningu :) 

Læt myndir fylgja með

Góða helgi :)

Mánudaginn 27. apríl verða þær breytingar hér á Flateyri að við megum opna leik og grunnskóla að nýju en þó með þeim takmörkunum sem voru fyrir páskafrí. Starfið verður með mjög svipuðu sniði og þá var. 

Mánudaginn 4. maí verða svo gerðar meiri tilskakanir á samkomubanninu og mun þá skólahaldið verða með nokkuð eðlilegum hætti. Við höldum áfram að gæta fyllsta hreinlætis og sóttvarna en megum öll vinna saman eins og áður var. Heimsóknir utanaðkomandi verða ekki heimilar að svo stöddu.

Hér er hlekkur frá Mennta- og menningarmálaráðuneytinu um skóla-, frístunda- og íþróttastarf barna og ungmenna eftir 4. maí.

https://www.stjornarradid.is/efst-a-baugi/frettir/stok-frett/2020/04/21/Skola-fristunda-og-ithrottastarf-barna-og-ungmenna-eftir-4.-mai-/

Og hér er annar hlekkur með auglýsing heilbrigðisráðuneytisins vegna tilslakana á samkomubanni.

https://www.stjornartidindi.is/Advert.aspx?RecordID=ab3485b5-a616-48bd-8db2-476a28fb45ce

Hér er svo linkur sem áhugavert getur verið að skoða, með spurningum sem brunnið hafa á fólki og svörum við þeim,  hægt er að velja milli tungumála, ískensku, ensku og pólsku: 

https://www.stjornarradid.is/verkefni/menntamal/spurt-og-svarad-skolastarf-a-neydarstigi-almannavarna/

Bestu kveðjur og gleðilegt sumar

Sunna

Þar sem ekki hefur verið hægt, vegna ástandsins í þjóðfélaginu, að veita sérfræðiaðstoð sálfræðinga sl. vikur þá hafa sálfræðingarnir okkar þær Sólveig Norðfjörð og Björg Norðfjörð ákveðið að opna fyrir ráðgjöf með símaviðtölum við nemendur, foreldra og kennara. Einnig ætla þær að hafa samband við þá foreldra sem bíða eftir niðurstöðum viðtala frá því í febrúar.

Þeir sem telja sig þurfa ráðgjöf er bent á að hafa samband við Sólveigu eða Björgu í gegnum tölvupóst: solveignordfjord@gmail.com  eða bjorg00@hotmail.com gefa upp nafn, símanúmer og jafnvel nafn barnsins ef það hefur verið í viðtölum hjá þeim. Þær munu síðan hafa samband við viðkomandi við fyrsta tækifæri.

Sálfræðingarnir sem starfa við leik- og  grunnskóla Ísafjarðarbæjar eru hluti af skólaþjónustu sveitarfélagsins og sinna allri almennri sálfræðivinnu við skólanna. Sálfræðingarnir vinna í nánu samstarfi við starfsfólk leik- og grunnskólanna og aðra þá sem koma að málefnum barna.

Heil og sæl

Nú erum við búin að prófa fyrstu vikuna í fjarkennslu/fjarnámi þar sem hver er í sínu horni. Undanfarnar vikur höfðum við þó  verið að færast í áttina að þessu þar sem sumt var kennt í fjarkennslu og annað ekki. Vissulega eru þetta skrítnir og erfiðir tímar þar sem skólinn er lokaður og enn sem komið er vitum við ekki með vissu hvenær verður hægt að leyfa okkur að vera fleiri en fimm saman og hvað þá að við vitum hvenær allt verður eðlilegt á ný. 

Það sem mér heyrist samt bæði á nemendum og starfsmönnum er að ,,það bera sig allir vel". 

Hjá unglingunum eru öll fög í gangi og kennarar hafa haldið sambandi við þá. Umsjónarkennari hefur verið með daglega fundi og kennslu á zoom, aðrir kennarar hafa notað google verkfærin, classroom og hangouts /meetings. Fyrir hádegið í dag tók ég stuttan fund með þeim á zoom til að heyra í þeim hljóðið og fara yfir það ef þau sæju eitthvað sem betur má fara. Á mánudaginn ætlar Ninna námsráðgjafi svo að heyra aðeins í þeim hljóðið og fær hver nemandi úthlutað 15 mínútum með henni til að byrja með. 

Yngri nemendurnir fá ýmis skemmtileg verkefni að fást við og eru þeir að vinna í gegnum seesaw. Umsjónarkennari er í góðu sambandi við nemendur og heimilin. Það er auðvitað einstaklingsbundið hversu mörg verkefni hentar að vinna úr ,,heimaskólanum" og um að gera að láta bara vita ef það vantar fleiri verkefni eða ef ekki næst að komast yfir allt. Miðstigsnemendur vinna út frá sínu vikuskema í íslensku og fá einnig verkefni frá þeim kennurum sem kenna þeim önnur fög. 

Hjá öllum aldri er lesturinn mikilvægur og langar mig hér að minna á Tími til að lesa https://timitiladlesa.is/ þar sem þjóðin er í sameiningu að stefna að heimsmeti í lestri. Ef fjölskyldan er ekki þegar búin að skrá sig eru ennþá tvær vikur eftir af mánuðinum og um að gera að vera með. 

Einnig vil ég benda á Fræðslugátt Menntamálastofnunar https://fraedslugatt.is/ sem er stútfull af námsefni. Núna eru t.d. öll fræðslumyndböndin, sem almennt eru bara opin fyrir skóla, opin öllum svo þar er hægt að finna eitthvað áhugavert og fróðlegt að horfa á. 

Næsta vika verður með mjög svipuðu sniði og þessi vika. Ef það er eitthvað sem foreldrar eða nemendur vilja ræða  þá er um að gera að hafa samband við umsjónarkennara eða mig.

Og gleymið svo ekki að á fimmtudaginn í næstu viku er frídagur því þá er sumardagurinn fyrsti en þann dag fór sólin að skína fyrir alvöru í fyrravor og hélt það út langt fram á haust, þannig vona ég að þetta verði aftur núna :) 

Bestu kveðjur og góða helgi

Sunna