Góðan dag

Veðrið er slæmt í dag og minni ég foreldra á að meta aðstæður og ekki senda börnin ein af stað þar sem hviður eru sterkar. Allar götur eru færar.  Ef þið metið aðstæður svo að barn verði heima vegna veðurs látið vita í síma 450 8360 grunnskóli, 450 8260 leikskóli eða 849 3446 gsm skólastjóra. 

Á morgun mánudag stefnum við á hefðbundið skólahald í leik og grunnskóla. Vegna óvissu með starfsmannafjölda í grunnskólanum á morgun verðum við samt að fá skólahópinn af leikskólanum til að mæta beint í leikskólann þennan dag en vonandi fer fasta rútínan að komast á aftur. 

Ef Hvilftarströndin verður örugg fyrir umferð munum við koma þeim unglingum sem eiga að fara í val á Ísafirði yfir en það verður þeirra fyrsti valtími eftir áramótin þar sem tíðin hefur verið erfið. Ef ekki verður hægt að fara á Ísafjörg lýkur þeirra skóladegi að loknum hádegisverði. 

Í dag fór skólastarf í gang aftur eftir erfiða reynslu síðustu daga. Í grunnskólann mættu nemendur klukkan níu og tók öll dagskrá mið af nýiðnum atburðum. Til að byrja með fengu yngri nemendur samtal við þrjá sérfræðinga áfallateymis, Guðrúnu, Ingibjörgu og Petru. Síðan fóur þau út að leika og í leiki í íþróttahúsinu með Kolbrúnu Fjólu og Jónu umsjónarkennara. 

Eldri nemendurnir byrjuðu á að spjalla og spila ásamt Sigga umsjónarkennara sínum og bættist Fjölnir prestur síðan í hópinn.  Þau fóru síðan út í íþróttahús í leiki með Kolbrúnu Fjólu. Miklir fagnaðarfundir urðu svo þegar Alma Sóley bættist í hópinn og hófst þá samtal eldri nemenda og sérfræðinga. 

Stefanía og Guðrún af skólasviðinu vörðu einnig deginum með okkur og léttu undir við ýmislegt. 

Það er mín von að dagurinn hafi nýst nemendum vel. Hefðbundið skólahald hefst svo á mánudaginn. 

Leikskólastarf hófst klukkan átta og nemendum og starfsmönnum til mikillar gleði mættu vaskir meðlimir Flugbjörgunarsveitarinnar í Reykjavík og Björgunarsveitarinnar Ársæls á svæðið og mokuðu upp nokkur leiktæki. 

Á morgun föstudag verður leikskólinn opnaður klukkan 8:00 og starf í eðlilegu horfi. Elstu leikskólabörnin mæta beint í leikskólann í stað þess að byrja daginn í grunnskóla eins og venjulega á föstudögum. 

Skóladagurinn í grunnskólanum hefst klukkan 9:00 og mun skipulag dagsins taka mið af atburðum síðustu daga. Með okkur verða Guðrún og Ingibjörg sérfræðingar úr áfallateymi, Kolbrún Fjóla íþróttakennari og Fjölnir prestur.  

Skóladegi grunnskólans lýkur eins og vanalega með því að farið er í hádegismat kl 12:00. 

Ekki verður hægt að koma skólahaldi í gang á morgun fimmtudag, hvorki í leik né grunnskóla. Fjöldahjálparstöð er í grunnskólanum. Við tökum einn dag í einu. Efst í huga okkar er þakklæti fyrir að hún Alma okkar fannst tímanlega og aðrir sluppu ómeiddir. 

Í ljósi aðstæðna og þess að almannavarnir ríkislögreglustjóra hafa beðið fólk á Flateyri að halda kyrru fyrir heima að svo stöddu verða bæði leik og grunnskóli lokaðir miðvikudaginn 15. janúar. 

Ennþá er ekkert lát á óveðri. Færðin var orðin þung fyrir smábíla í dag og þurfti aðstoð björgunarsveitar við að koma leikskólabörnum heim. Ég tek stöðuna í fyrramálið útfrá veðri og færð en einnig gæti komið til lokunar vegna tilmæla almannavarna. Tilkynningu um það hvort skólarnir verði opnir verður sett hér inn í fyrramálið.  Þó að við reynum í lengstu lög að hafa opið eru aðstæður til að koma börnum í skólann mismunandi. Ef foreldrar taka ákvörðun um að hafa börn sín heima þá skulu þeir tilkynna viðkomandi skóla um það og er litið á sklíkt sem eðlileg forföll. 

Símanúmer grunnskóla 450 8360

Símanúmer leikskóla 450 8260

Símanúmer skólastjóra 849 3446

Heil og sæl

Á morgun mánudag er mánaðarlegur starfsmannafundur í leikskólanum og opnar hann því kl 10:00. 

Gul viðvörun vegna veðurs verður ennþá í gildi í fyrramálið og eru foreldrar hvattir til að fylgjast með veðurspá og fréttum af veðri og meta hvort aðstæður bjóða upp á að koma barni í leik eða grunnskóla. Færð innanbæjar gæti einnig valdið röskun á starfi skólanna. Ef foreldrar taka ákvörðun um að hafa börn sín heima þá skulu þeir tilkynna viðkomandi skóla um það og er litið á sklíkt sem eðlileg forföll. Skóla verður ekki aflýst nema tilmæli komi frá Almannavörnum eða lögreglu og ef til þess kemur verður skilaboðum komið við fyrsta tækifæri. 

Heil og sæl

Bæði leik og grunnskóli verða opnir í dag og ætti skólahald að geta verið með eðlilegum hætti. Flestar götur innanbæjar eru orðnar færar. 

Kæru nemendur og foreldrar

Bestu óskir um að árið 2020 verði ykkur gleði og gæfuríkt. Starf leikskólans er komið á fullt að loknu jólafríi en í grunnskólanum verður starfsdagur mánudaginn 6. janúar og hefst kennsla svo samkvæmt stundaskrá þriðjudaginn 7. janúar. Stundaskrá nemenda verður óbreytt frá því sem var fyrir áramótin. 

Mánaðarlegur starfsmannafundur leikskólans verður mánudaginn 13. janúar og opnar leikskólinn þá klukkan 10. Starfsdagur verður mánudaginn 27. janúar en þann dag ætla starfsmenn meðal annars að kynna sér starf á heilsuleikskóla. Á starfsdegi er leikskólinn lokaður allan daginn. 

Á leikskólanum höfum við fengið nýtt starfsfólk til liðs við okkur en Jóhanna Maggý Kristjánsdóttir sem er menntaður þroskaþjálfi hóf störf sem deildarstjóri í byrjun desember og nú í byrjun janúar hóf Hrefna Ásgeirsdottir störf í afleysingum vegna fæðingarorlofs. Báðar hafa þær meðal annars áhuga á útivist og hreyfingu og nýtast þeir kraftar vel í starfinu. 

Við förum inn í nýtt ár full af krafti og þori í leik og grunnskóla á Flateyri.