Skólasýning GÖ á sunnudaginn
Nemendur Grunnskóla Önundarfjarðar sýna afrakstur vetrarins sunnudaginn 21. maí á milli kl. 11-13. Heitt á könnunni og Pálínuboð að hætti gesta skólans.
Hlökkum til að sjá ykkur.
Nemendur Grunnskóla Önundarfjarðar sýna afrakstur vetrarins sunnudaginn 21. maí á milli kl. 11-13. Heitt á könnunni og Pálínuboð að hætti gesta skólans.
Hlökkum til að sjá ykkur.
Í dag var síðasti dagurinn sem við erum með hefðbundna kennslu. Á mánudaginn hefjast vísindadagar hjá okkur þar sem næringarfræði verður gert hátt undir höfði, tilraunir framkvæmdar, mygluverkefnið fer fyrir alvöru að mygla, gróðursetning, vorferðalag, sólarganga, umhverfisfegrunardagar og heimsóknir.
Við erum öll spennt fyrir þessum dögum sem framundan er og öllu því námi sem mun fara fram innan og utan veggja skólans. Íþróttir, sund, dans og verkgreinar eftir hádegi verða að vanda.
Háskólalestin kemur til okkar á Flateyri föstudaginn 19. maí og koma þá nemendur 5.-10. bekkjar frá Suðureyri og Þingeyrar til okkar.
Skólasýning grunnskólans verður sunnudaginn 21. maí frá kl. 11-13.
Skólaslit verða hjá okkur föstudaginn 26. maí kl. 17.00
Undanfarnar vikur hafa nemendur í 1.-9. bekk verið á Palsnámskeiði. Pals stendur fyrir Pör að læra saman og felst í lesa krakkarnir fyrir hvort annað og leiðrétta ef þarf. Jafnframt endursegja þau það sem lesið er.
Krakkarnir hafa staðið sig með mikilli prýði og sumir aukið hæfni sína í lestri til muna eftir að hafa verið á námskeiðið.
Myndir af krökkunum er að finna í myndaalbúminu.
Á mánudaginn verður síðan heilmikið Pals-partý þar sem krakkarnir hafa ákveðið að slá upp kökuhlaðborði og jafnvel velja frumlegustu kökuna!
Í dag skruppu krakkarnir á yngsta stigi í fjöruferð að leita að óskasteinum, kröbbum og ýmsu fleiru. Við fundum nú ekki margar óskasteina en hins vegar fundum við fullt af rusli sem var týnt saman í poka, flokkað og sorterað síðar.
Vonandi gengur okkur betur næst í óskasteinafundi en við gátum ekki gengið framhjá öllu plastruslinu.
Vá Vesthópurinn hefur fengið Magnús Stefánsson hingað vestur með forvarnarfræðslu.
Fræðslan fer fram á fjórðu hæð stjórnsýsluhússins á Ísafirði þar sem við reynum að finna svar við þessari spurningu, ásamt því að skoða:
Einnig verða sýnd helstu einkenni fíkniefnaneyslu og hvernig er gott að bregðast við ef grunur um neyslu kemur upp.
Sjáðu hvað aðrir foreldrar hafa sagt um þessa fræðslu.
Fyrirlesari: Magnús Stefánsson
Vefsíða: maggistef.is
Fjölskylduráðgjafi ICADC/ICPS
Facebook: Forvarnarfræðsla Magga Stef
Aðeins um fyrirlesarann Magnús Stefánsson.
Magnús Stefánsson hefur starfað sem fyrirlesari hjá Maritafræðslunni
síðan árið 2001. Hann hefur getið sér gott orð í því að ná til ungmenna við að útskýra
mögulega skaðsemi vímugjafaneyslu. Magnús er tónlistarmaður og hefur spilað með hljómsveitunum s.s. Utangarðsmönnum, Ego og Sálinni hans Jóns míns.
Uppfræddir og meðvitaðir foreldrar eru besta forvörn sem völ er á og rannsóknir sýna að unglingar taka mark á því sem foreldrar þeirra segja.
Þess vegna er mikilvægt að foreldrar séu virkir í umræðunni og taki fullan þátt í að fræða unglingana sína.
Við erum að leita að kennurum fyrir næsta vetur.
Lausar eru til umsóknar kennarastöður í Grunnskóla Önundarfjarðar skólaárið 2017 til 2018. Um er að ræða kennslu í ýmsum greinum á öllum stigum sem og íþróttakennslu. Starfshlutfall er á bilinu 50-100%. Grunnskóli Önundarfjarðar er notalegur skóli með um 20 nemendur. Samkennsla er á yngsta-, mið- og unglingastigi. Einkunnarorð skólans eru virðing, metnaður, gleði og ábyrgð.
Menntunar og hæfnikröfur:
Launakjör eru samkvæmt samningum launanefndar sveitarfélaga við KÍ.
Umsóknum skal skilað til Unnar Bjarkar Arnfjörð skólastjóra á netfangið unnurbjork@isafjordur.is. Með umsókn skal fylgja ferilskrá. Umsóknarfrestur er til og með 5. maí 2017.
Nánari upplýsingar veitir Unnur í síma 450-8360 eða í gegnum tölvupóst. Öllum umsóknum verður svarað þegar ákvörðun um ráðningu hefur verið tekin.
Fór fram fimmtudaginn 23. mars sl.
Settu nemendur upp leikritið Ronju Ræningjadóttur. Árshátíðin okkar heppnaðist einstaklega vel - hver einn og einasti nemandi stóð sig með miklum sóma og gaman að sjá leikritið lifna á sviðinu.
Magnea Björg Önundardóttir í 9. bekk sá um sviðsmyndina en auk þess sá hún um að farða leikhópinn, hljóð og mynd.
Með helstu hlutverk í leikritinu fóru:
Ronja Ræningjadóttir: Sylvía Lind Jónsdóttir og Karen Drífa Guðmundsdóttir
Matthías: Hinrik Jón Bergsson
Lovísa: Matthildur Gróa Bergsdóttir
Borki: Birna Mjöll Jónsdóttir
Valdís: Védís Önundardóttir
Birkir: Ívar Hrafn Ágútsson
Skalla-Pétur: Einar Arnalds Kristjánsson
Litli-Skratti: Andri Pétur Ágútsson
Nornir: Svandís Rós Ívarsdóttir og Signý Lilja Jónatansdóttir
Ræningjar: Svandís Rós Ívarsdóttir, Andri Pétur Ágútsson, Védís Önundardóttir, Birna Mjöll Jónsdóttir, Helga Lára Þorgilsdóttir, Zuzanna Majewzki, Signý Lilja Jónatansdóttir, María Arnalds Kristjánsdóttir.
Rassálfar: Helga Lára Þorgilsdóttir, Zuzanna Majewzki, Signý Lilja Jónatansdóttir, María Arnalds Kristjánsdóttir.
Tónlistarstjórn: Dagný Arnalds
Hreyfingar: Sigurrós Eva Friðþjófsdóttir
Textavinna: Unnur Björk Arnfjörð
Búningar Una Lára Waage
Allt hitt sem var svo mikilvægt Edda Graichen og Guðmunda Agla Júlíusdóttir
Sérstakar þakkir fyrir lánið á Félagsheimilinu, Lára Thoroddsen og Jón Ágúst og allir foreldrarnir sem lögðu hönd á plóginn svo sýningin gæti orðið svona glæsileg.
Stóra upplestrarkeppnin var haldin í Hömrum, sal Tónlistarskólans á Ísafirði, fimmtudagskvöldið 9. mars.
Tólf nemendur úr 7. bekk grunnskólanna í Ísafjarðarbæ og í Bolungarvík tóku þátt að þessu sinni. Höfundar keppninnar í ár voru þau Andri Snær Magnason og Steinunn Sigurðardóttir. Lásu krakkarnir brot úr sögunni Bláa hnettinum eftir Andra Snæ og valið ljóð eftir Steinunni. Að auki völdu krakkarnir sér ljóð til að lesa.
Okkar maður Einar Arnalds Kristjánsson var sér og skólanum til mikils sóma og las sína hluta vel og vandlega. Hins vegar var keppnin afar hörð í ár og varð Auðbjörg Erna Ómarsdóttir frá Grunnskólanum á Þingeyri sigurvegari keppninnar í ár. Íris Embla Stefánsdóttir frá Grunnskólanum í Bolungarvík hafnaði í öðru sæti og Lena Rut Ásgeirsdóttir frá Grunnskólanum á Ísafirði í því þriðja.
Dómarar voru þau Baldur Sigurðsson, Anna Þ. Ingólfsdóttir, Heiðrún Tryggvadóttir og Kristín Ósk Jónasdóttir. Guðrún Birgisdóttir skóla- og sérkennslufulltrúi Ísafjarðarbæjar hélt utan um dagskrána, en Rósbjörg Edda Rúnarsdóttir, sem hafnaði í 2. sæti keppninnar í fyrra, las inngangstexta.
Skólalúðrasveit Tónlistarskólans með Einar í fararbroddi, opnaði hátíðina og spilaði létt og skemmtileg lög til að koma keppendum og áhorfendum í réttan gír.
Við óskum öllum keppendum, kennurum og foreldrum innilega til hamingju.